"ჩვენი პარტნიორები უფრო აქტიურად უნდა რეაგირებდნენ რუსეთის მხრიდან სანქციების გვერდის ავლის ყველა შემთხვევაზე", - ამ განცხადებას უკრაინის პრეზიდენტი ვოლოდიმირ ზელენსკი ავრცელებს.

როგორც პრეზიდენტი ამბობს, უკრაინა რუსეთის წინააღმდეგ დაწესებულ სანქციებთან დაკავშირებით კომუნიკაციას პარტნიორებთან აგრძელებს. 

ვაგრძელებთ ჩვენს პარტნიორებთან კომუნიკაციას რუსეთის წინააღმდეგ დაწესებულ სანქციებთან დაკავშირებით. ყველა ჩვენი დიპლომატიური წარმომადგენელი უნდა გააქტიურდეს, რათა ჩვენი პარტნიორები უფრო აქტიურად რეაგირებდნენ რუსეთის მხრიდან სანქციების გვერდის ავლის ყველა შემთხვევაზე. ეს მხოლოდ აბსტრაქტული კითხვა არ არის.

ეს ეხება იმას, თუ როგორ აწარმოებს ტერორისტული სახელმწიფო იარაღს, კერძოდ, რაკეტებს. ყველა რუსულ რაკეტას აქვს ათობით კრიტიკული კომპონენტი, რომლებიც წარმოებულია საზღვარგარეთ, ბევრი მათგანი თავისუფალი სამყაროს კომპანიების მიერ. რუსეთის მიერ სანქციების გვერდის ავლის გზების დაბლოკვა, ფაქტობრივად, ტერორის ბლოკირებაა. მადლობელი ვარ ყველა პარტნიორის, ვისაც ეს ესმის და ყველასი მსოფლიოში, ვინც ამ საქმეში გვეხმარება," - განაცხადა ზელენსკიმ.