კიევში საჰაერო განგაშის გამო ჯოზეფ ბორელმა დილა თავშესაფარში გაატარა - ამის შესახებ ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში X-ზე წერს. 

„დილას თავშესაფარში ვიწყებ, როცა კიევში საჰაერო განგაშის სიგნალები ისმის. ეს მამაცი უკრაინელი ხალხის ყოველდღიური რეალობაა, მას შემდეგ რაც რუსეთმა თავისი უკანონო აგრესია დაიწყო“, - წერს ჯოზეფ ბორელი .

ბორელი კიევში გუშინ ჩავიდა.

მთელს უკრაინაში განგაშია - საჰაერო თავდაცვის სირენები მთელს ქვეყანაში გამთენიისას ჩაირთო -კიევი, ხარკოვი, ლვოვი და ჩერკასის ოლქები, ყველგან აფეთქებებია. 

ოკუპანტებმა მასობრივი  იერიში რამდენიმე ქალაქზე  და უკრაინის დედაქალაქზე ერთდროულად მიიტანეს.  რაკეტების გარდა, რუსულმა არმიამ  ინფრასტრუქტურა და დასახლებული პუნქტები დრონებითაც  დაბომბა. არიან გარდაცვლილები და დაშავებულები.