შტატებმა უარყო ვლადიმერ პუტინის შეთავაზება ომის გაყინვის მიზნით უკრაინაში ცეცხლის შეწყვეტის შესახებ. ინფრომაცია ამ ამბავზე თავდაპირველად Reuters-მა სამ რუსულ წყაროზე დაყრდნობით გაავრცელა, თუმცა ბაიდენის ადმინისტრაციამ  ინფორმაცია საბოლოოდ უარყო.

რუსული წყაროები ამბობენ, რომ პუტინმა სიგნალები გაუგზავნა ვაშინგტონს 2023 წელს საჯარო და კერძო შუამავლების მეშვეობით, მათ შორის მოსკოვის არაბი პარტნიორების მეშვეობით ახლო აღმოსავლეთში და სხვების, რომ მზად იყო განიხილოს ცეცხლის შეწყვეტა უკრაინაში. 

პუტინის შეთავაზება იყო კონფლიქტის გაყინვა ამჟამინდელ ხაზებზე და მას არ სურდა რუსეთის მიერ კონტროლირებადი უკრაინის რომელიმე ტერიტორიის დათმობა. სიგნალის შეთავაზება იყო ის, რაც ზოგიერთმა კრემლში დაინახა, როგორც საუკეთესო გზა რაიმე სახის მშვიდობისაკენ.

"ამერიკელებთან კონტაქტები უშედეგოდ დასრულდა" - ამბობს 2023 წლის ბოლოს და 2024 წლის დასაწყისში დისკუსიების შესახებ ინფორმირებულმა რუსულმა წყარომ განუცხადა Reuters-ს ანონიმურობის პირობით.

მეორე რუსულმა წყარომ, რომელმაც იცის კონტაქტების შესახებ, განუცხადა Reuters-ს, რომ ამერიკელებმა შუამავლების მეშვეობით უთხრეს მოსკოვს, რომ ისინი არ განიხილავდნენ შესაძლო ცეცხლის შეწყვეტას უკრაინის მონაწილეობის გარეშე და ამიტომ კონტაქტები წარუმატებლად დასრულდა.