ბაიდენის ადმინისტრაცია ნავალნის სიკვდილის საპასუხოდ სანქციებს 500-ზე მეტ სამიზნეს დაუწესებს
აშშ-ის პრეზიდენტის, ჯო ბაიდენის ადმინისტრაცია, კრემლის კრიტიკოსის ალექსეი ნავალნის სიკვდილის საპასუხოდ, დღეს, რუსეთის უკრაინაში შეჭრის მეორე წლისთავის წინა დღეს, სანქციებს 500-ზე მეტ სამიზნეს დაუწესებს.
აშშ-ის ფინანსთა სამინისტროს პრესსპიკერის თქმით, სანქციები დაწესდება როგორც აშშ-ის სახაზინო დეპარტამენტის, ასევე სახელმწიფო დეპარტამენტის მხრიდან.
სანქციები იქნება ყველაზე დიდი ტრანში პუტინის უკრაინაში შეჭრის დაწყების შემდეგ და მიმართული იქნება რუსეთის, მისი ხელშემწყობებისა და მისი ომის მანქანის წინააღმდეგ“, - განაცხადა აშშ-ის ფინანსთა სამინისტროს პრესსპიკერმა.
