"ვგეგმავ, EU-ს წევრ სახელმწიფოებს შევთავაზო ფონდი, რომლითაც უკრაინას დავეხმარებით" - ბორელი
ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ჯოზეფ ბორელი მსოფლიოს უკრაინის მხარდაჭერისკენ მოუწოდებს და გეგმავს, რომ ომში ჩართული ქვეყნის დასახმარებლად ფონდის შექმნას, რომელსაც EU-ს წევრ სახელმწიფოებს წარუდგენს.
ბორელს მიაჩნია, რომ ომის მოსაგებად ერთ-ერთი გზა ტექნიკის განვითარებაა, კერძოდ, დრონებისა და ხელოვნური ინტელექტის.
ეს არის პატარა დრონები, რომელთა ფრენის დიაპაზონიც 20 კილომეტრია. ისინი ატარებენ ასაფეთქებელი ნივთიერებების ორ კილოგრამიან მუხტს, ძალიან ცოტა ღირს და მეტი არ გჭირდებათ ტანკის განადგურებისთვის.
პატარა დრონების მასიური თავდასხმების ფონზე, რომლებიც ბზიკების გუნდს ჰგავს, თავდაცვითი ალტერნატივა საკომუნიკაციო სისტემის დაბლოკვაა. თუ თქვენ შეგიძლიათ მართოთ სპექტრი, დრონი გამოუსადეგარია. ჩვენ უნდა ვატაროთ კლასიკური საბრძოლო მასალები და მხარი დავუჭიროთ მათ ომის თანამედროვე ასპექტებში, როგორიცაა ხელოვნური ინტელექტი. საჭიროა სხვადასხვა ტიპის ომზე დაფუძნებული ტექნოლოგიების განვითარება. და ისინი ამას ჯერჯერობით დიდი ოსტატობით აკეთებენ, მაგრამ მეტი სჭირდებათ", - თქვა ბორელმა.
