ბელგია ჩეხეთის ინიციატივის ფარგლებში, რომლის მიზანი უკრაინისთვის 800 000 ერთეული ჭურვის შეძენაა, 200 მლნ ევროს გამოყოფს. ამის შესახებ ბელგიის პრემიერმინისტრმა ალექსანდრ დე კროომ X-ზე დაწერა. ამის შესახებ ბელგიის პრემიერმინისტრმა ალექსანდრ დე კროომ X-ზე დაწერა.

"ჩვენ ვერასდროს შევადარებთ იმ მსხვერპლს, რომელსაც უკრაინა ყოველდღიურად იღებს... მაგრამ ჩვენ შეგვიძლია მივცეთ პრეზიდენტს [ვოლოდიმირ ზელენსკის] ის, რაც მოითხოვა - მეტი საბრძოლო მასალა რუსი აგრესორის მოსაშორებლად", - თქვა დე კროომ.

ზელენსკიმ ბელგიას ერთგულებისთვის მადლობა გადაუხადა - "ასეთი მტკიცე და დროული ქმედებები არის ზუსტად ის, რაც უკრაინასა და მთელ ევროპაში თავისუფლების დასაცავად გვჭირდება".

ჩეხეთის პრემიერმინისტრმა, პეტრ ფიალამ, 26 თებერვალს განაცხადა, რომ ინიციატივას მხარი უკვე 15 ევროპულმა ქვეყანამ დაუჭირა. ინიციატივა კი უკრაინისთვის 800 000 საარტილერიო ჭურვის შეძენას გულისხმობს.