რუსეთის ქალაქ ენგელსზე უპილოტო საფრენი აპარატებით იერიში განხორციელდა. რუსეთის თავდაცვის უწყების ცნობით, ქალაქზე თავდასხმა სულ მცირე, 4 დრონით მოხდა. 

რუსეთის თავდაცვის სამინისტრო ამტკიცებს, რომ „საბაჟო საჰაერო თავდაცვის სისტემამ გაანადგურა ხუთი უკრაინული უპილოტო საფრენი აპარატი ბელგოროდის (1 უპილოტო საფრენი აპარატი) და სარატოვის (4 უპილოტო საფრენი აპარატი) რეგიონების ტერიტორიებზე.

ამასვე ადასტურებს სარატოვის ოლქის გუბერნატორიც. რომან ბუსარგინმა თქვა, რომ „უპილოტო საფრენი აპარატები განადგურდა ენგელსის თავზე“. მისი თქმით,  „ნამსხვრევების ჩამოვარდნის შედეგად მსხვერპლი არ ყოფილა და არც ინფრასტრუქტურა დაზიანდა“.