რუსეთი აცხადებს, რომ ბელგოროდსა და ბელგოროდის რეგიონზე მორიგი თავდასხმა განახორციელდა. რუსეთის თავდაცვის სამინისტრო ამჯერადაც ამტკიცებს, რომ ეს მხოლოდ „შეტევის მცდელობა“ იყო, რომელიც RM-70 Vampire ტიპის მრავალჯერადი სარაკეტო სისტემის გამოყენებით განხორციელდა და რომ ის მოგერიებული იქნა.

 ცამეტი რაკეტა გაანადგურა საჰაერო თავდაცვის სისტემამ ბელგოროდის თავზე, - აცხადებს თავდაცვის უწყება. 

ამასობაში, რუსული ტელეგრამის არხები წერენ, რომ ბელგოროდში თავდასხმის შედეგად დაღუპულები და დაშავებულები არიან. სოციალურ ქსელში ვრცელდება თვითმხილველების მიერ გადაღებული კადრებიც. ჭურვების ფრაგმენტებმა რამდენიმე სახლი და მანქანაც დააზიანა.