ბრაზილიის ქალაქ რესიფეში მშენებარე ცათამბჯენში ხანძარი გაჩნდა. ინტერნეტში გამოქვეყნებულ კადრებში ჩანს, რომ შენობის დამწვარი ნაწილები სახურავიდან ვარდება. 

ტორეს რაიონში, სადაც შენობა მდებარეობს, ელექტროენერგია უსაფრთხოების მიზნით მთლიანად გაითიშა.  25-სართულიანი ცათამბჯენის მიმდებარე ქუჩები სასწრაფო დახმარების სამსახურებმა შემოღობეს. შემთხვევის ადგილზე ოთხი სახანძრო მანქანა იყო მობილიზებული, საბოლოოდ ხანძრის ლოკალიზება მოხდა.

საბედნიეროდ, მომხდარის შედეგად არავინ დაშავებულა.