სტენფორდის უნივერსიტეტის პროფესორი, ფრენსის ფუკუიამა "ქართულ ოცნებას" სიცრუის ტირაჟირებაში ამხელს - ფუკუიამა "ამერიკის ხმასთან" მიცემულ ინტერვიუში აცხადებს, რომ ივანიშვილის გუნდის მიზანი, საქართველო გახდეს ევროკავშირის წევრი, ტყუილია.

"ოცნებას სურს, უფრო მჭიდროდ მოსკოვთან იყოს დაკავშირებული, ვიდრე დასავლეთთან" - ამბობს ფუკუიამა და იქვე დასძენს, რომ საქართველოს ხელისუფლება ამერიკის შეერთებულ შტატებთან ურთიერთობით დაინტერესებული არ არის.

სტენფორდის უნივერსიტეტის პროფესორი საქართველოს მთავრობას რუსეთისთვის სანქციების თავიდან არიდებაშიც ადანაშაულებს და პირდაპირ ამბობს, რომ ამ ქმედებით "ოცნება" მოსკოვს ეხმარებოდა".

"ქართულ ოცნებას" სურს, უფრო მჭიდროდ მოსკოვთან იყოს დაკავშირებული, ვიდრე დასავლეთთან. არ მგონია, ისინი განსაკუთრებულად განაწყენდნენ ფაქტით, რომ ეს შეაფერხებს საქართველოს ევროკავშირში გაწევრიანებას. არ ვფიქრობ, რომ მათ სურთ, [საქართველო] ევროკავშირის ნაწილი იყოს. ასე რომ, ისინი არ იქნებიან უკმაყოფილო იმით, რომ ეს [კანდიდატის] სტატუსს დააზარალებს. ასევე არ მგონია, რომ ახლა ისინი განსაკუთრებით დაინტერესებულნი არიან შეერთებულ შტატებთან მჭიდრო ურთიერთობით, რადგან მათ მოსკოვთან დაკავშირება ურჩევნიათ.

აქამდე, ეს ერთგვარად ფარული მოტივი იყო. ისინი მოსკოვისკენ იხრებოდნენ და რუსებს ევროპული სანქციების თავიდან აცილებაში ეხმარებოდნენ. რუსებისთვის ევროპული სანქციების თავის არიდებაში დახმარებით, ისინი მოსკოვისკენ იხრებოდნენ. საქართველოს გავლით, რუსეთში ბევრი ევროპული საქონელი გადის. მაგრამ, ოფიციალური პოზიცია მაინც ის იყო, რომ მათ სურდათ, სქართველო ევროკავშირის და შესაძლოა ნატოს წევრიც კი ყოფილიყო. მაგრამ, ვფიქრობ, ისინი ყოველთვის ცრუობდნენ. მათ ნამდვილად არ სურთ ეს შედეგი. ვფიქრობ, ეს იმიტომ ხდება, რომ უკრაინასთან ომში, მომენტუმი თითქოს რუსეთისკენ იხრება. ამან „ქართული ოცნება“ გაათავისუფლა, რუსეთის მხარდაჭერაში უფრო ღია იყოს," - განაცხადა ფუკუიამამ.