რუსეთი უკრაინის ფრონტის მთელ ხაზზე აკრძალულ ქიმიურ იარაღს იყენებს. საუბარია ქლოროპიკრინის გაზზე. ამ გზით ოკუპანტები ცდილობენ, უკრაინული ჯარები შეასუსტონ, რათა მათ გამაგრებული პოზიციები დათმონ და უკან დაიხიონ. 

The Wall Street Journal-ის თანახმად, ამერიკელი და უკრაინელი ოფიციალური პირები, ისევე როგორც ექიმები, ჯარისკაცები და საერთაშორისო მკვლევარები, ამბობენ, რომ რუსეთის მიერ აკრძალული ქიმიური იარაღის გამოყენება ბრძოლის ველზე უფრო გახშირდა, რადგან მოსკოვი შეტევას აძლიერებს.

ამ თვის დასაწყისში შეერთებულმა შტატებმა გამოაცხადა სანქციები რუსული კომპანიებისა და სამთავრობო უწყებების წინააღმდეგ, რომლებიც მონაწილეობენ ფრონტზე გამოყენებული ქიმიური იარაღის შექმნასა და მიწოდებაში. საუბარია კონკრეტულად  ქლოროპიკრინზე. ქიმიური ნივთიერება, რომელიც ხანდახან პესტიციდებში გამოიყენებოდა, ექსპლუატაციაში შევიდა პირველი მსოფლიო ომის დროს და აკრძალული იყო ბრძოლაში გამოყენება ქიმიური იარაღის კონვენციით, რომლის ხელმომწერიც რუსეთიცაა.

დენ კაზეტა, ქიმიური იარაღის ექსპერტი და ასოცირებული მკვლევარი ლონდონის სამეფო გაერთიანებული სერვისების ინსტიტუტის ანალიტიკური ცენტრის, ამბობს, რომ ქლოროპიკრინი ტოქსიკურია ადამიანებისა და ცხოველებისთვის. ექსპოზიციის ხარისხიდან გამომდინარე, გაზმა შეიძლება დაწვას კანი, გააღიზიანოს ცრემლსადენი სადინარები და გაართულოს სუნთქვა.

„უკრაინის არმიის მხარდაჭერის ძალების ანალიტიკური ცენტრის მეთაურის თანაშემწის კაპიტან დიმიტრი სერგიენკოს თქმით, რომელიც აანალიზებს ქიმიური იარაღის გამოყენებას ფრონტზე, ამბობს, რომ ქიმიურ ნივთიერებებს, რუსები ბრძოლის ველზე იყენებენ. მათ ასევე აღმოაჩინეს ქლოროპიკრინის შემცველი ორი ყუმბარა რუსეთისმიერ მიტოვებულ პოზიციებზე“, - წერს WSJ.

უკრაინელები 2023 წლის თებერვლიდან აკვირდებიან ფრონტზე ქიმიური იარაღის გამოყენებას და დადასტურებული ინციდენტების რაოდენობა სტაბილურად იზრდება.
ლეიტენანტი ვიტალი კატრიჩი, სამხედრო მედიკოსი, რომელიც მუშაობს ფრონტის მახლობლად სტაბილიზაციის პუნქტზე, ამბობს, რომ იყო შემთხვევები, როდესაც ყოველი მეორე პაციენტი, რომელსაც მკურნალობდა, გაზით იყო მოწამლული. მისი თქმით, როგორც კი რუსები მიიღებენ ტვირთს, მას მუდმივად, სრულ ამოწურვამე იყენებენ.