უკვე თითქმის გადაწყვეტილია, ვინ დაიკავებს ევროპარლამენტის არჩევნების შემდეგ  ევროკავშირში წამყვან თანამდებობებს. ინფორმაციას Politico რვა ევროპელ დიპლომატზე დაყრდნობით ავრცელებს.

• Politico-ს მიხედვით, თანამდებობები შემდეგნაირად გადანაწილდება:
•     ურსულა ფონ დერ ლაიენი ევროკომისიის პრეზიდენტის პოსტს მეორე ვადით დაიკავებს.
•     პორტუგალიის ყოფილი პრემიერმინისტრი, ანტონიო კოსტა ევროსაბჭოს პრეზიდენტად მოიაზრება.
•     რობერტა მეცოლა კი ევროპარლამენტის ხელმძღვანელად განიხილება.
•     რაც შეეხება ესტონეთის პრემიერ კაია კალასს, გამოცემის ცნობით, ის ევროკავშირის საგარეო საქმეთა და უსაფრთხოების პოლიტიკის საკითხებში უმაღლესი წარმომადგენლის პოსტზე ჯოზეფ ბორელს ჩაანაცვლებს.
   

გამოცემის ცნობითვე, , შეთანხმების საბოლოო მონახაზი ლიდერების არაფორმალურ ვახშამზე 17 ივნისს შეჯერდება.  რაც შეეხება ოფიციალურ შეთანხმებას,  ამის შესახებ 27-28 ივნისის ანუ ევროკავშირის ლიდერების შეხვედრის შემდგომ გახდება ცნობილი.