ბრიტანეთი G7-ის სამიტზე უკრაინისთვის 300 მილიონ აშშ დოლარზე მეტი ოდენობის დახმარებას გამოაცხადებს

13.06.24 10:22
ბრიტანეთი G7-ის სამიტზე უკრაინისთვის 300 მილიონ აშშ დოლარზე მეტი ოდენობის დახმარებას გამოაცხადებს

დიდი ბრიტანეთის პრემიერ-მინისტრი იტალიაში, G7-ის სამიტზე, ომში ჩართული ქვეყნისთვის 242 მილიონი ფუნტის დახმარების პაკეტს გამოაცხადებს.

რიში სუნაკის ცნობით, დახმარება განკუთვნილი იქნება ჰუმანიტარულ, ენერგეტიკულ და სტაბილიზაციის საჭიროებებზე. ასევე გრძელვადიანი ეკონომიკური და სოციალური აღდგენისა და რეკონსტრუქციისთვის საფუძვლის ჩასაყრელად.

ჩვენ უნდა ვიყოთ გადამწყვეტი და კრეატიული ჩვენს მცდელობებში, რომ მხარი დავუჭიროთ უკრაინას და დავასრულოთ პუტინის უკანონო ომი ამ კრიტიკულ მომენტში. დიდი ბრიტანეთი რჩება საერთაშორისო რეაგირების წინა ხაზზე, როგორც ჩვენ თავიდანვე ვიყავით. "რამდენი დროც დასჭირდება"-დან უნდა გადავიდეთ "რაც არ უნდა იყოს საჭიროზე", თუ ჩვენ გვინდა დავასრულოთ ეს უკანონო ომი". - ამბობს სუნაკი.