სომხეთში სამხედრო თვითმფრინავი ჩამოვარდა - დაღუპულია 2 პირი
სომხეთში, კოტაიქის რაიონში სამხედრო თვითმფრინავი ჩამოვარდა. ქვეყნის თავდაცვის სამინისტროს ინფორმაციით, დაღუპულია 2 ადამიანი.
ავიაკატასტროფა განიცადა YAK 52 -მა, რომელიც სასწავლო ფრენას ასრულებდა. დაღუპულები არიან უფროსი ლეიტენანტი არმენ ისახანიანი და იუნკერი არმენ ხაჩატრიანი.
„სომხეთის რესპუბლიკის თავდაცვის სამინისტრო უსამძიმრებს და თანადგომას უცხადებს სამხედრო მოსამსახურეების ოჯახის წევრებს, ახლობლებსა და თანამებრძოლებს“, - ნათქვამია განცხადებაში.
