გასულ ღამეს რუსეთის ფედერაციის ტერიტორიას ისევ დრონებით შეუტიეს. იერიშების შედეგადაც ვორონეჟის რაიონში დაზიანდა გარკვეული კომუნალური ინფრასტრუქტურის ობიექტი, ხოლო ორიოლის რაიონში დაზიანდა ელექტროსადგური.

ვორონეჟის ოლქის გუბერნატორმა ალექსანდრე გუსევმა განაცხადა, რომ ელექტრონულმა საომარმა ტექნიკამ უკრაინული უპილოტო საფრენი აპარატი „ჩაახშო“.  

გარდა ამისა, ორიოლის ოლქის გუბერნატორმა ანდრეი კლიჩკოვმა განაცხადა, რომ ჩამოაგდეს ორი უკრაინული დრონი, რის შედეგადაც ელექტროსადგური დაზიანდა. 

დაშავებულები არ არიან, მაგრამ დაზიანდა ადგილობრივი ელექტროსადგური, - წერს ის ტელეგრამის არხზე.

აღსანიშნავია, რომ ორიოლის რეგიონი უკრაინას არ ესაზღვრება. ის  ბელგოროდისა და კურსკის რეგიონების ჩრდილოეთით და სასაზღვრო რეგიონის, ბრაიანსკის აღმოსავლეთით მდებარეობს, რომლის თავზეც ღამით ოთხი უკრაინული დრონი იქნა განადგურებული. 

ამავდროულად, რუსეთის თავდაცვის სამინისტრომ იტყობინება, რომ 29 ივლისს ღამით, 39 უკრაინული დრონი ჩამოაგდეს ხუთ რეგიონში, მათ შორის ლენინგრადში.

სამინისტროს სოციალურ ქსელებში გამოქვეყნებული გზავნილის თანახმად, კურსკის ოლქის თავზე 19 უპილოტო თვითმფრინავი, ბელგოროდის რაიონში 9, ვორონეჟის ოლქში 3, ბრიანსკის ოლქში 5 და ლენინგრადის ოლქის თავზე 19 უპილოტო საფრენი აპარატი გაანეიტრალეს. ამავდროულად, შეტყობინებაში არაფერია ნათქვამი ორიოლის რეგიონის შესახებ, სადაც, სავარაუდოდ,  ორი უკრაინული დრონი ჩამოაგდეს, რომელთა ნამსხვრევები ელექტროსადგურზე დაეცა.