უკრაინამ  მსოფლიო ბანკის მეშვეობით ამერიკისგან 3.9 მილიარდი დოლარის გრანტი მიიღო, რომლის უკან დაბრუნებაც,  არ მოუწევს- ამის შესახებ ინფორმაციას უკრაინის პრემიერმინისტრი, დენის შმიგალი ავრცელებს. 

ეს თანხები ხელს შეუწყობს ბიუჯეტის პრიორიტეტული ხარჯების დაფინანსებას, როგორიცაა მასწავლებლების, ექიმებისა და მაშველების ხელფასები, სოციალური შეღავათები, - განაცხადა შმიგალმა.

მისი განცხადებით, მთლიანობაში უკრაინა წელს  7,8  მილიარდ დოლარს პირდაპირი საბიუჯეტო დახმარების სახით მიიღებს.