პუტინი იძულებულია, რუსეთის ტერიტორიაზე უკან დაიხიოს - ბორელი
პუტინი იძულებულია, რუსეთის ტერიტორიაზე უკან დაიხიოს - ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, ჯოზეფ ბორელი აცხადებს, რომ უკრაინის საგარეო საქმეთა მინისტრთან, დმიტრო კულებასთან რუსეთის კურსკის ოლქში მიმდინარე უკრაინის კონტრშეტევა განიხილეს.
„დმიტრო კულებასთან ფრონტის ხაზზე უახლესი მოვლენები და კურსკის კონტრშეტევა განვიხილე. გავიმეორე, რომ ევროკავშირი სრულად უჭერს მხარს უკრაინელი ხალხის ბრძოლას.
პუტინმა ვერ მოახერხა მისი გაუმართლებელი შეჭრის წინააღმდეგ უკრაინის წინააღმდეგობის გატეხვა და ახლა იძულებულია, რუსეთის ტერიტორიაზე უკან დაიხიოს“, - წერს ბორელი სოციალური მედიის პლატფორმა X-ზე.
