უკრაინის თავდაცვის სამინისტროს მთავარი სადაზვერვო სამმართველოს ხელმძღვანელის, კირილ ბუდანოვის ცნობით, 21 აგვისტოს ღამით უკრაინელებმა რუსეთის ტერიტორიაზე უპილოტო საფრენი აპარატებით შეტევა განახორციელეს.

როგორც ბუდანოვმა The War Zone-ს განუცხადა, უკრაინული დრონების სამიზნეები რადიოკავშირის ცენტრი, მოსკოვის "ოსტაფიევოს" აეროპორტი და როსტოვში მდებარე მილერის საჰაერო ბაზა იყო.

ცნობისთვის, რუსეთის კურსკისა და ბელგოროდის ოლქებზე უკრაინა 6 აგვისტოდან შეტევას ახორციელებს. მეტიც, კურსკის ოლქში უკრაინელები უკვე ასეულობით დასახლებას აკონტროლებენ.