ღამით რუსმა ოკუპანტებმა ქალაქ სუმის სამოქალაქო ინფრასტრუქტურაზე საჰაერო დარტყმა განახორციელეს, რის შედეგადაც ხანძარი გაჩნდა. არიან დაშავებულები და გარდაცვლილები.

როგორც სუმის რეგიონალური სამხედრო ადმინისტრაციის ტელეგრამის არხზე გამოქვეყნებულ შეტყობინებაშია აღნიშნული, ხანძრის შედეგად ქალაქის ცალკეულ მიკრორაიონებში დაკვამლიანება აღინიშნება.

ამავდროულად, სუმის საოლქო პროკურატურა იუწყება, რომ დაახლოებით 01:30 საათზე მტერმა საჰაერო დარტყმა განახორციელა ქალაქ სუმის საწარმოზე. დაზიანდა საწარმო, რომელიც აწარმოებს ბავშვთა კვების შეფუთვას, წვენებს, საყოფაცხოვრებო ქიმიკატებს და ა.შ.

„დამპყრობლების თავდასხმის შედეგად, წინასწარი მონაცემებით, დაშავდა ცხრა ადამიანი, ამ დროისთვის მიმდინარეობს ხანძრის შედეგების ლიკვიდაცია“, - ნათქვამია განცხადებაში.

სუმის საოლქო პროკურატურის პროცედურული ხელმძღვანელობით მიმდინარეობს წინასწარი გამოძიება ომის კანონებისა და წეს-ჩვეულებების დარღვევის ფაქტზე (უკრაინის სისხლის სამართლის კოდექსის 438-ე მუხლის 1-ლი ნაწილი).