ამერიკის შეერთებული შტატების წარმომადგენელთა პალატამ პრეზიდენტობის კანდიდატების უსაფრთხოების გაძლიერების შესახებ კანონპროექტი მიიღო.

საერთაშორისი გამოცემა Politico წერს, რომ კანონპროექტი საიდუმლო სამსახურს ავალდებულებს, პრეზიდენტის, ვიცე-პრეზიდენტისა და დემოკრატიული და რესპუბლიკური პარტიებიდან პრეზიდენტობისა და ვიცეპრეზიდენტობის კანდიდატების დასაცავად ერთნაირი სტანდარტები გამოიყენოს.

გავლენიანი გამოცემის ცნობით, ინიციატივა წარმომადგენელთა პალატაში ორმა რესპუბლიკელმა და ერთმა დემოკრატმა წარადგინეს, მხარი კი აშშ-ის კონგრესის ქვედა პალატის 405-მა კანონმდებელმა დაუჭირა.

ამასთან, აღსანიშნავია, რომ დოკუმენტი მას შემდეგ მომზადდა, რაც პენსილვანიის შტატში დონალდ ტრამპზე იერიში მიიტანეს.