ისრაელის თავდაცვის ძალების გამანადგურებელმა თვითმფრინავებმა 3.5 კილომეტრის სიგრძის გვირაბს დაარტყეს - ამის შესახებ ინფორმაციას IDF ავრცელებს და წერს, რომ გვირაბი ლიბანსა და სირიას შორის გადიოდა და მას "ჰეზბოლა" ირანული იარაღის კონტრაბანდისთვის იყენებდა. 

IDF-ის ცნობით, განადგურებული გვირაბს "ჰეზბოლას" ერთ-ერთი ქვედანაყოფი აკონტროლებდა, რომელსაც ირანიდან ლიბანში იარაღის გადატანა ევალება. 

ისრაელის მხარე აცხადებს, რომ დარტყმამ გვირაბის სიახლოვეს მდებარე შენობები, იარაღის საწყობები და სხვა ინფრასტრუქტურაც გაანადგურა. 

ამასთან, IDF იტყობინება, რომ 3 ოქტომბერს, ბეირუთზე მიტანილი საჰაერო იერიშის შედეგად,  "ჰეზბოლას" კომუნიკაციების მეთაური მუჰამედ რაშიდ სკაფია ლიკვიდირებული.