მოლდოვაში დღეს პრეზიდენტის არჩევნების მეორე ტური იმართება. ერთმანეთს ამჟამინდელი პროევროპული პრეზიდენტი მაია სანდუ და ყოფილი გენერალური პროკურორი ალექსანდრ სტოიანოგლო უპირისპირდებიან.  სტოიანოგლოს მხარს სოციალისტური პარტია უჭერს, რომელსაც  პრორუსი ექს-პრეზიდენტი იგორ დოდონი ხელმძღვანელობს. 

შეგახსენებთ, რომ საპრეზიდენტო არჩევნების პირველ ტურში მოქმედმა პრეზიდენტმა მაია სანდუმ ხმების 42,45% მიიღო, ხოლო ყოფილმა გენერალურმა პროკურორმა ალექსანდრ სტოიანოგლომ - 25,98%.