რუსეთი ცდილობდა მოლდოვის დემოკრატიული ინსტიტუტებისთვის და საარჩევნო პროცესებისთვის ძირი გამოეთხარა, მაგრამ ამას ვერ მიაღწია - ასე ეხმაურება ამერიკის პრეზიდენტი მოლდოვაში  ჩატარებული არჩევნების შედეგებს. ჯო ბაიდენი მაია სანდუს და მოლდოველ ხალხს გამარჯვებას ულოცავს და აცხდებს, რომ რუსეთის მცდლეობამ, მოლდოვაზე კონტროლი დაემყარებინა უშედეგო აღმოჩნდა.

„მოლდოველმა ხალხმა მაია სანდუ პრეზიდენტად ხელახლა ევროკავშირში გაწევრიანების მხარდასაჭერად ჩატარებული საკონსტიტუციო რეფერენდუმიდან ორი კვირის შემდეგ აირჩია.

თვეების განმავლობაში რუსეთი ცდილობდა მოლდოვის დემოკრატიული ინსტიტუტებისთვის და საარჩევნო პროცესებისთვის ძირი გამოეთხარა, მაგრამ რუსეთმა ამას ვერ მიაღწია. მოლდოველმა ხალხმა გამოიყენა თავისი დემოკრატიული უფლება, საკუთარი მომავალი აერჩია და მათ აირჩიეს გზა, რომელიც ევროპასა და მთელს მსოფლიოში დემოკრატიებს შეესაბამება“, - აღნიშნავს ჯო ბაიდენი.