NATO-ს გენერალური მდივანი, მარკ რუტე დონალდ ტრამპს ამერიკის შეერთებული შტატების არჩევნებში გამარჯვებას ულოცავს. 

როგორც რუტე პლატფორმა X-ზე წერს, ტრამპის ხელმძღვანელობა ნატოს სიძლიერის შენარჩუნების საკვანძო ნაწილი იქნება.

ახლახან დონალდ ტრამპს აშშ-ის პრეზიდენტად არჩევა მივულოცე. მისი ხელმძღვანელობა კვლავ იქნება ჩვენი ალიანსის სიძლიერის შენარჩუნების საკვანძო ნაწილი. მოუთმენლად ველი მასთან ერთად კიდევ მუშაობას, რათა სიძლიერისა და NATO-ს მეშვეობით მშვიდობას ხელი შევუწყოთ", - დაწერა რუტემ X-ზე.

შეგახსენებთ, რომ ბოლო ინფორმაციით, ამერიკის საპრეზიდენტო არჩევნებში რესპუბლიკელი ლიდერი დონალდ ტრამპი ლიდერობს. მან კოლეგიის 277 ხმა უკვე მიიღო.