"ერთიანობა - ნაციონალური მოძრაობის" ერთ-ერთი ლიდერი, ხატია დეკანოიძე სოციალურ ქსელში წერს, რომ კოალიცია "ლელო - ძლიერი საქართველოს" ოფისთან შინაგან საქმეთა სამინისტროს თანამშრომლების განსაკუთრებული მობილიზებაა. 

ხატია დეკანოიძის მიერ გავრცელებულ ვიდეოკადრებში ჩანს, რომ პერიმეტრზე შსს-ს მინიმუმ 3 ავტობუსი და ერთი დაკავების მანქანა შეინიშნება. 

განახლება: პოლიცია უკვე "ძლიერი საქართველოს" ოფისში იმყოფება, რომ ბრალის დადგენილება ჩააბაროს. "პირველების" კამერამ პოლიციის მაღალჩინოსანი, სერგი ბზიშვილი დააფიქსირა. 

"ქართულ ოცნებას" ნორმალურად დაჭერაც არ შეუძლია - თქვა მამიკა ხაზარაძემ. 

პარალელურად ოფისში შეკრებილები სკანდირებენ - "ცეცხლი ოლიგარიქს". 

მამუკა ხაზარაძეს ბადრი ჯაფარიძეს მოსამართლე ზვიად შარაძემ 8 თვით პატიმრობა შეუფარდა. 

განაჩენის გამოცხადებას "ლელო -ძლიერი საქართველოს" ლიდერები არ დასწრებიან, ის მხოლოდ ადვოკატმა, პროკურორებმა და ჟურნალისტებმა მოისმინეს.

მამუკა ხაზარაძეს და ბადრი ჯაფარიძეს წულუკიანის კომისიის მოთხოვნების დაუმორჩილებლობას ედავებოდნენ.

ორივე მათგანს აეკრძალა თანამდებობის დაკავება 2 წლის ვადით.

დღესვე 7 თვიანი პატიმრობა მიუსაჯეს "კოალიცია ცვლილებებისთვის" ლიდერს, ზურა ჯაფარიძესაც.