"თბილისი, სადაც თავისუფლება შეჩერებულია - რა ხდება საქართველოში 300 დღიანი საპროტესტო აქციების შემდეგ" - ამ სათაურით აქვეყნებს საქართველოს შესახებ სტატიას ცნობილი იტალიური გამოცემა.

გამოცემა წერს, რომ 2012 წლიდან საქართველოს მართავს  პარტია „ქართული ოცნება“, ოლიგარქ ბიძინა ივანიშვილის განშტოება.

სტატიაში ნათქვამია, რომ „ქართულმა ოცნებამ“ პირველ არჩევნებში თავი პროევროპულ და ანტირუსულ პარტიად წარმოადგინა, რაც ორი სავალდებულო მახასიათებელია საქართველოსთვის, რომელიც ერთიანი ევროპისკენ ისწრაფვის და რუსეთის მიმართ ღრმად მტრულად არის განწყობილი, ფაქტობრივად, ფორმალურად რუსეთის ფედერაციასთან ომშია. თუმცა, მთავრობაში წლების განმავლობაში „ქართულმა ოცნებამ“ თავისი ბუნება შეიცვალა. ის სულ უფრო და უფრო უახლოვდებოდა რუსეთის გავლენის სფეროს.

ჟურნალისტი სტატიაში აჯამებს თბილისში გამართულ საპროტესტო აქციებს, რომლებიც „ქართული ოცნების“ მიერ მიღებულ პრორუსულ კანონებს მოჰყვა.

საპროტესტო აქციები მას შემდეგ დაიწყო, რაც მთავრობამ 2024 წლის ნოემბერში საქართველოს ევროკავშირში გაწევრიანება დაბლოკა. საპროტესტო აქციები ყოველდღიური, მშვიდობიანი და ფართომასშტაბიანი იყო. თუმცა, მთავრობამ თანდათან გაზარდა რეპრესიების დონე და ძალადობს", - ნათქვამია სტატიაში.

ჟურნალიტი, რომელიც წერს, რომ საქართველოში რუსული კანონის აქციების დროს იმყოფებოდა, ამბობს, რომ  საქართველოში სიტუაცია მას შემდეგ უფრო გაუარესდა, როდესაც ნოემბრის ბოლოს მთავრობამ გამოაცხადა ქვეყნის ევროკავშირში გაწევრიანების განაცხადის შეჩერების შესახებ.

ხალხი ქუჩებში კიდევ უფრო დიდი რაოდენობით დაბრუნდა, მაგრამ რეპრესიებიც უფრო ძალადობრივი და თავხედური იყო. სამას ღამეზე მეტი გავიდა. პოლიციამ კაპიუშონიანი დაქირავებული ჯგუფებს ნება დართო, მომიტინგეები ეცემათ. იყო ათობით დაპატიმრება, მათ შორის დააპატიმრეს ცნობილი მსახიობი ანდრო ჭიჭინაძე. შემაჯამებელი სასამართლო პროცესები ტრივიალური ბრალდებების საფუძველზე (პლასტმასის ბოთლების სროლა), ზოგჯერ გაყალბებული მტკიცებულებებით (ჯიბეებში ნარკოტიკები) მიდიოდა. საქართველო პოლიციურ სახელმწიფოდ გადაიქცა. ციხეში ჯერ კიდევ სამოცზე მეტი პოლიტიკური პატიმარია, რომელთა უმეტესობა ძალიან ახალგაზრდაა.