საქართველოს დემოკრატიული უკუსვლის საკითხი საერთაშორისო დღის წესრიგში კიდევ ერთხელ მოექცა - ბრიუსელში მიმდინარე ფორუმზე „დემოკრატიის ფარი“ ამ თემაზე საქართველოს მეხუთე პრეზიდენტმა სალომე ზურაბიშვილმა ისაუბრა. დისკუსიაში ასევე მონაწილეობენ ევროპელი ლიდერები, ევროპარლამენტარი ნატალი ლუაზო და ნატოს გენერალური მდივანი მარკ რუტე.

ზურაბიშვილმა აღნიშნა, რომ საქართველო ევროკავშირმა მხოლოდ ფორმალურად, ქაღალდზე აღიარა კანდიდატ ქვეყნად, მაშინ, როცა ქვეყანაში დემოკრატია ჰიბრიდული ზეწოლის ქვეშ არის - არჩევნების მანიპულაციის, მედიის ხელში ჩაგდებისა და ინსტიტუტების პოლიტიზაციის გზით.

მადლობას გიხდით, რომ აქ მომიწვიეთ, რათა ვისაუბროთ ქვეყანაზე, რომელიც ევროკავშირმა მხოლოდ ქაღალდზე მყოფ  კანდიდატად დაასახელა. ეს ნამდვილად არ არის ის, რაც საქართველოს მოსახლეობის სურვილს ასახავს. მზად ვარ, ვისაუბრო იმ საკითზე, რომ თავისუფლება შეტევაზე უნდა იყოს და რომ ჩვენ უნდა ვიბრძოლოთ როგორც დემოკრატიისთვის, ასევე ევროპისთვის. ეს არ არის პასიური მდგომარეობა. ეს არ არის ისეთი რამ, რისი შენარჩუნებაც მხოლოდ გეოგრაფიით ან ისტორიით შეიძლება. თავისუფლება მხოლოდ მაშინ გადარჩება, როდესაც ის პოლიტიკურად და მორალურად არის დაცული. საქართველო, გარკვეულწილად, პოლიტიკური ფრონტის ხაზია. ეს არის მაგალითი, თუ როგორ შეიძლება დემოკრატიული უკუსვლა განვითარდეს 21-ე საუკუნეში არა ტანკებით, არამედ ჰიბრიდული საშუალებებით. არჩევნები მანიპულირებული იყო, მედია ხელში ჩაიგდეს. არჩევნების მანიპულირება განსაკუთრებით საშიშია ამ მხრივ. არა მხოლოდ საქართველოში, ჩვენ უკვე ვნახეთ მაგალითები რუმინეთში, მოლდოვაში და ევროკავშირის ზოგიერთ წევრ სახელმწიფოშიც კი.
ის, რასაც დღეს ვხედავთ, არ არის უეცარი კოლაფსი, არამედ ნელი კოროზიაა. და ეს ეროზიული ქაოსი ნაცნობი ნიმუშია: ძალაუფლება ცენტრალიზებულია და ინსტიტუტები, რომლებიც დამოუკიდებლობისთვის შეიქმნა, სულ უფრო და უფრო მეტი სასამართლო და საარჩევნო კომისიები სულ უფრო პოლიტიზირებული და კონტროლირებადია. სამოქალაქო საზოგადოება უცხოელ აგენტებად არის მიჩნეული. ჰიბრიდული ჩარევა არ ცდილობს დემოკრატიის გაუქმებას, ის ცდილობს თავისი დემოკრატიის დაცვას. არსებული რეალობა მოქმედებს ნაცრისფერ ზონებში, სადაც კანონიერება და ლეგიტიმურობა ბუნდოვანია, - განაცხადა ზურაბიშვილმა.