ირანში ფერეიდნელი ქართველების სავარაუდო მკვლელობას საქართველოს  მეხუთე პრეზიდენტი ეხმაურება.  განცხადებას სალომე ზურაბიშვილი X-ზე ავრცელებს. 

"მინდა გამოვხატო ჩემი ღრმა სამძიმარი ირანში მცხოვრები  ქართველი ეთნიკური თემის მიმართ - ისპაჰანში თავისუფლებისა და დემოკრატიის დაცვისას დაღუპულთა გამო"- დაწერა ზურაბიშვილმა. 

"ირანის ქალაქ ისპაჰანში რეპრესიული რეჟიმის მიერ 20-ზე მეტი ფერეიდნელი ქართველია მოკლული" - ინფორმაციას ორგანიზაცია ფერეიდნიდან საქართველომდე ავრცელებს. 

ორგანიზაციის ცნობით, "ცეცხლსასროლი ჭრილობით მოკლულია დაახლოებით 70 წლის ქალი, რომელსაც ხელში თავისი მცირეწლოვანი შვილიშვილი (გოგონა) ეჭირა".