საქართველოს მეხუთე პრეზიდენტმა, სალომე ზურაბიშვილმა The Brussels Times-თან ინტერვიუში ქვეყანაში რუსეთის გავლენებზე ისაუბრა. 

სალომე ზურაბიშვილის თქმით, საქართველოში სიტუაციას რუსეთი მართავს და "ქართული ოცნება" კრემლის მითითებებს ასრულებს ევროპასთან კავშირების გაწყვეტის შესახებ. 

ისინი ["ქართული ოცნება"] აშკარად ახორციელებენ რუსეთის მითითებებს ევროპასთან კავშირების გაწყვეტის შესახებ - რათა დაიწყონ ეს მკაცრი ანტი-ევროპული და ანტი-დასავლური რიტორიკა, რომელიც არცერთი ქართველისთვის ბუნებრივი არ არის," - ამბობს ზურაბიშვილი.

საქართველოს მეხუთე პრეზიდენტი ინტერვიუში აღნიშნავს, რომ "ძალიან მნიშვნელოვანია, რომ საქართველო და საქართველოს კრიზისი როგორღაც რუკაზე შევინარჩუნოთ", თუმცა დასძენს, რომ ეს ერთგვარი რთული ბრძოლაა იმ მრავალი გეოპოლიტიკური კრიზისის ფონზე, რომელიც ამჟამად მსოფლიოში მიმდინარეობს. 

ასევე, სალომე ზურაბიშვილმა გამოცემასთან ევროკავშირის როლზე ისაუბრა და მათი მხარდაჭერა და მეტი მოქმედება მოითხოვა. 

ზურაბიშვილი მხარდაჭერას - და, რაც მთავარია, მოქმედებას - ითხოვს სულ უფრო და უფრო გაფანტული და გაყოფილი დასავლეთისგან. მიუხედავად იმისა, რომ ერთგული ევროფილია, ისიც კი იმედგაცრუებულია ევროკავშირის რეაგირებით საქართველოში არსებულ ვითარებაზე," - წერს The Brussels Times-ი. 

ამასთან, საქართველოს მეხუთე პრეზიდენტმა აღნიშნა, რომ ევროკავშირის უმოქმედობა საქართველოში ევროპის მიმართ ხალხის დამოკიდებულებაზე „უარყოფით გავლენას ახდენს, რადგან მათ სანქციების შესახებ მოწოდებები ესმით და შემდეგ აღმოაჩენენ, რომ სინამდვილეში არაფერი გაკეთებულა“.

...ჩვენ პატარა ქვეყანა ვართ და ევროკავშირი უზარმაზარი ძალაა ყველა ამ რესურსით.

იმის აღმოჩენა, რომ მათ არაფრის გაკეთება არ შეუძლიათ, რათა უბრალოდ დაიცვან ქვეყანა, რომელიც თითქმის ევროკავშირის კართან იყო, რუსეთის მიერ გადატვირთვისგან, ჩვენთვის შეშფოთების საგანია, მაგრამ ასევე უნდა იყოს შეშფოთების საგანი ევროპისთვისაც," - თქვა ინტერვიუში ზურაბიშვილმა. 

სრული ინტერვიუ იხილეთ აქ: brusselstimes.com