ისრაელის საელჩო საქართველოში თბილისის ანძის ირანის დროშის ფერებში განათებას ეხმაურება.

"თბილისში გადაწყვიტეს ირანის მკვლელ რეჟიმთან ერთად რევოლუციის წლისთავი აღნიშნონ" - წერია გავრცელებულ განცხადებაში. 

საელჩო სვამს კითხვას: "რა გზავნილია ეს თბილისისგან რეგიონისთვის, მსოფლიოსა და ირანის იმ მოქალაქეებისთვის, რომლებიც ამდენი ხანია თავისუფლებისა და დემოკრატიისთვის იბრძვიან?“

მაშინ, როდესაც ირანის მკვლელი, ტერორის მხარდამჭერი რეჟიმი ათასობით ადამიანს ხოცავს თავისი ქალაქების ქუჩებში, ჩაგრავს საკუთარ მოქალაქეებს და აქტიურად არის ჩართული ტერორისტულ საქმიანობაში როგორც რეგიონში, ისე მთელ მსოფლიოში, თბილისში გადაწყვიტეს ამავე რეჟიმთან ერთად ირანში ისლამური რევოლუციის წლისთავი იზეიმონ მთაწმინდის ანძის ირანის დროშის ფერებში განათებით. 

რა გზავნილია ეს თბილისისგან რეგიონისთვის, მსოფლიოსა და ირანის იმ მოქალაქეებისთვის, რომლებიც ამდენი ხანია თავისუფლებისა და დემოკრატიისთვის იბრძვიან?“-წერს საელჩო. 

თბილისის ანძა, ირანის დროშის ფერებში განათდა.

თბილისის მერიაში "პირველებს" უთხრეს, რომ ეს უკავშირდება ირანის ეროვნულ დღესასწაულს და მერიას თხოვნით ირანის საელჩომ მიმართა.