"[ღირსების ორდენები] ღირსეულ პოლიციელებს გადაეცათ" - ამის შესახებ "ქართული ოცნების" დეპუტატმა ზვიად შალამბერიძემ TV პირველის ჟურნალისტის კითხვის საპასუხოდ განაცხადა.

"პირველების" ჟრნალისტი დაინტერესდა, ღირსების მედლების გადაცემით, წაახალისა თუ არა ყაველაშვილმა პოლიციელები მოქალაქეებზე ეძალადათ.

• 2025 წლის 30 იანვარს მიხეილ ყაველაშვილმა ღირსების ორდერით დააჯილდოვა შსს-ს მაღალჩინოსნები, მათ შორის, გდდ-ს სანქცირებული მაღალჩინოსნები, რომლებიც საპროტესტო აქციების დარბევაში იყვნენ ჩართულები.

"ბევრი ღირსეული პოლიციელი მუშაობს... ნუ ცდილობთ, რომ დააკნინოთ მათი უფლებები და ვალდებულებები. მთავარი არის, რეაგირება და პრემიერმა გააკეთა მაგაზე გუშინ განცხადება... [ქართულ ოცნებას პოლიციელების მხრიდან ძალადობა] არც წაუხალისებია და არც წაახალისებს... [ღირსების ორდენები] ღირსეულ პოლიციელებს გადაეცათ" - თქვა მან. 

დღეს, 28 მაისს, პროკურატურამ გორში, „კომბინატის დასახლებაში“ მოქალაქეზე ძალადობის საქმეზე ექვსი პოლიციელი დააკავა. ძალადობაში მხილებულ პოლიციელებს 5-დან 8 წლამდე პატიმრობა ემუქრებათ. 

მათ წინააღმდეგ საქმე აღძრულია სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით (სამსახურებრივი უფლებამოსილების გადამეტება, ჩადენილი ძალადობით). მუხლს დაკავებულის ადვოკატი და სხვა იურისტები არ ეთანხმებიან და მის გადაკვალიფიცირებას მოითხოვენ. 

• "გამოძიება წამების მუხლით უნდა დაიწყოს" - პოლიციელების მიერ ნაცემი კაცის ადვოკატი

30 წლამდე კაცს პოლიცია ჯგუფურად გუშინ გაუსწორდა, ნაცემია პაპუნა ლოცულაშვილს მეგობარიც. 

• მე და ჩემი ძმაკაცი მაგრად გვცემეს - პირველი ინტერვიუ პოლიციელების მიერ ნაცემ კაცთან