გაერთიანებული სამეფოს მიერ სანქცირებულ შს მინისტრ სულხან თამაზაშვილს გენერალ-მაიორის უმაღლესი სპეციალური წოდება მიენიჭა. შესაბამის განკარგულებას ხელი ირაკლი კობახიძემ მოაწერა.

მთავრობის პრესსამსახურის ინფორმაციით, გენერალ-მაიორის უმაღლესი სპეციალური წოდება ასევე მიენიჭა პოლიციის დეპარტამენტის დირექტორ ვაჟა სირაძესა და სასაზღვრო პოლიციის უფროს დავით თამაზაშვილს.

ამასთან, გენერალურ პროკურორ გიორგი გვარაკიძეს იუსტიციის სახელმწიფო მრჩევლის უმაღლესი სპეციალური წოდება მიენიჭა.