მე რუსული არ ვიცი, რუსული სიტყვებით ნუ მლანძღავენ, ქართულად მლანძღონ, - ასე უპასუხა საქართველოს მეხუთე პრეზიდენტმა ირაკლი კობახიძის განცხადებას, როცა მან  სალომე ზურაბიშვილს “სტრიკაზა“ [ჭრიჭინა] უწოდა.

• ზურაბიშვილის მეტსახელიც მინდა გავიხსენო - სტრიკაზა - ირაკლი კობახიძე

რეალურად ეს ფრანგულიდან მოდის, ჟან დე ლაფონტენის ლექსია, რომელიც მერე რუსმა გადაიტანა და გადააკეთა, როგორც ჩანს მერე შემოვიდა “ქართულ ოცნებაში“ ცნობილ ლექსად, - თქვა ზურაბიშვილმა.

"ქართული ოცნების" ლიდერი, ირაკლი კობახიძე საქართველოს მეხუთე პრეზიდენტს დღეს კიდევ ერთხელ დაუპირისპირდა. 

 "თქვენ კარგად იცით, ვინ არის სალომე ზურაბიშვილი. მისი მეტსახელიც მინდა გავხსენო - სტრიკაზა. სტრიკაზა არ უნდა ლაპარაკობდეს სხვებზე,- თქვა მან.