საქართველოს პარლამენტში ხელჩართული დაპირისპირების შემდეგ "ქართული ოცნების" დეპუტატები "ქართულ სახლში" ქეიფობენ - კადრები "პირველებმა" გადაიღო. 

ცნობილია, რომ აღნიშნული რესტორანი "ქართული ოცნების" დეპუტატის, ანტონ ობოლაშვილის მეუღლის ლია ობოლაშივლის საკუთრებაა.​

TV პირველის კორესპოდენტი ადგილიდან იტყობინება, რომ "ქართულ სახლში" იმყოფება, "ქართული ოცნების" ლაშა ტალახაძე. [ოლიმპიური თამაშების არაერთგზის ჩემპიონმა, ლაშა ტალახაძემ დღეს კოლეგას, გიგა ფარულავას დაარტყა]. რესტორანში იმყოფება დეპუტატი დავით კაჭარავაც. 

რა ვიცით პარლამენტში მომხდარ დაპირისპირებაზე

პარლამენტში ირაკლი კობახიძის ყოველწლიური ანგარიშის მოსმენისას ფიზიკური დაპირისპირება მოხდა.

„ქართული ოცნების“ წევრები გახარიას პარტიას 2 დეპუტატს, გიგა ფარულავას და გიორგი შარაშიძეს ფიზიკურად გაუსწორდნენ.

"პირველების" მიერ გადაღებულ კადრების მიხედვით, ფიზიკურ დაპირისპირებაში მონაწილეობენ, „ქართული ოცნების“ შემდეგი წევრები:

• არჩილ გორდულაძე,
• ლაშა ტალახაძე,
• ლევან მაჭავარიანი,
• ირაკლი კირცხალია,
• ირაკლი ხელაძე.