მიხეილ ყაველაშვილი აიათოლა ალი ხამენეის სამგლოვიარო ცერემონიაზე დასასწრებად ირანში ჩავიდა - პირველ კადრებს აეროპორტიდან ირანული მედია ავრცელებს. 

• მიხეილ ყაველაშვილის ადმინისტრაციას ოფიციალური განცხადება და კადრები ჯერ არ გაუვრცელებია.

ხამენეის პატივი მიაგეს საქართველოს დელეგაციის წევრებმა, რომელთა შორისაც არიან: სრულიად საქართველოს მუსლიმთა სამმართველოს შეიხი ფაიქ ნაბიევი, აღმოსავლეთ საქართველის მუფთი ეთიბარ ემინოვი და თბილისის მეჩეთის წინამძღვარი ზვიად ვანაძე. 

ირანული სახელმწიფო საინფორმაციო სააგენტოების ცნობით, 3 ივლისის დილით ხამენეის ცხედარი თეირანის მთავარ სალოცავში იმამ ხომენეის მოსალაში გადაასვენეს.

დაკრძალვის ცერემონიები 9 ივლისამდე გაგრძელდება. 9 ივლისს კი აიათოლა ალი ხამენეის ჩრდილო-აღმოსავლეთ ქალაქ მაშჰადში დაკრძალავენ.

ოფიციალური ინფორმაციით, ხამენეი აშშ-ისა და ისრაელის მიერ ირანის წინააღმდეგ დაწყებული ომის პირველივე დღეს, რამდენიმე თანმხლებ პირთან და ოჯახის წევრთან ერთად დაიღუპა.

ასევე ნახეთ გამოხმაურება ამერიკიდან: 

• ჯო უილსონი: „ოცნების“ ყალბი პრეზიდენტი მიხეილ ყაველაშვილი დიქტატორ ხამენეის დაკრძალვაზე დასწრებას გეგმავს