ცხინვალის გამოხმაურებამ კიდევ ერთხელ დაადასტურა, რომ “ ოცნება“ კრემლის ინტერესებს ემსახურება - ოპოზიცია
ცხინვალის გამოხმაურებამ კიდევ ერთხელ დაადასტურა, რომ “ქართული ოცნება“ კრემლის ინტერესებს ემსახურება - ასე ეხმაურება ოპოზიცია ცხინვალის ე.წ ხელისუფლების მიერ გავრცელებულ განცხადებას.
მათი თქმით, ირაკლი კობახიძე და “ქართული ოცნება“ ჩვენებას აძლევს საკუთარი ქვეყნის წინააღმდეგ, რუსეთის სასარგებლოდ.
ცხინვალის გამოხმაურება კიდევ ერთხელ ადასტურებს იმას, რასაც ჩვენ ვამბობდით ამ დროის განმავლობაში, პირველი - კობახიძის რიტორიკა სრულ თანხვედრაშია რუსეთის საოკუაპციო რეჟიმის და მისი სატელიტების რიტორიკასთან. მეორე - ოსები ბევრად უფრო გონიერები არიან, ვიდრე ქოცები, ოსები ხელჩასაჭიდად იყენებნ ყველა იმ მომენტს, რომელსაც მათ სთავაზობთ კობახიძე და ის კი ყველაფერს იყენებს საქართველოს ინტერესების დასაზარალებლად. ჩვენ ვნახეთ, რომ კიდევ ერთხელ, უკვე მინიმუმ მეექვსედ, ცხინვალის რეჟიმმა აციტირა კობახიძე საკუთარი ინტერესების გასატარებლად და საქართველოს ეროვნული ინტერესების დასასუტებლად. ირაკლი კობახიძე განგრძობითად აძლევს მტერს ჩვენებას, საქართველოს ეროვნული ინტერესების წინააღმდეგ, თანამშრომლობს ღია და ოფიციალურ მტერთან და ღალატობს თითოული ქართველის ეროვნულ ინტერესებს, - განაცხადა გრიგოლ გეგელიამ.
კოალიცია “ცვლილებისთვის“ წევრი, გიორგი ბუტიკაშვილი მიიჩნევს, რომ როდესაც ერთიდაიგიევს ლაპრაკობს ცხინვალის ოკუპირებული რეგიონი, პუტინი და კობახიძე, ნათლად ჩანს, რა გავლენაც აქვს ამ სამივეს.
მსგავსი განცხადებები პირველი არ არის ცხინვალის ოკუპირებული რეგიონიდან, მაგრამ როდესაც ამას ე.წ. სახელმწიფოს მეთაური იმეორებს თავად, ეს ცხადყოფს იმას, რომ რუსული რეჟიმის ტიპის ქვეყანა ჩამოყალიბდა საქართველოში. ანუ ერთიდაიგივეს როცა ლაპარაკობს ცხინვალის ოკუპირებული რეგიონი, კობახიძე და პუტინი, ეს აჩვენებს იმას, რომ გავლენა აქვს, - განაცხადა გიორგი ბუტიკაშვილმა.
- ირაკლი კობახიძის განცხადებებს ირანის საოკუპაციო რეჟიმი „აღიარებად“ აფასებს. მარიონეტული რეჟიმის საგარეო საქმეთა სამინისტრომ გუშინ განცხადება გაავრცელა და აგვისტოს ომზე პასუხისმგებლობის დაკისრება, საქართველოს ცენტრალური ხელისუფლებისთვის მოითხოვა.
- ცხინვალის მთავარი არგუმენტი „ქართული ოცნების“ ლიდერი, ირაკლი კობახიძის განცხადებაა, რომელიც გუშინ ქართველი გმირების საფლავთან გააკეთა და ომის დაწყებაში საქართველოს წინა ხელისუფლება დაადანაშაულა.
