ფინანსთა სამინისტროს შემოსავლების სამსახურის უფროსად მამუკა ბარათაშვილი, ხოლო საგამოძიებო სამსახურის უფროსად მერაბ გამყრელიძე დაინიშნა.

პრესსამსახურის ცნობით, ირაკლი კობახიძე ახლად დანიშნულ ხელმძღვანელებს ფინანსთა მინისტრ ლაშა ხუციშვილთან ერთად შეხვდა. 

მამუკა ბარათაშვილი 2020-2021 წლებში შემოსავლების სამსახურის უფროსის პირველი მოადგილე იყო, 2011-2020 წლებში კი ფინანსთა სამინისტროს საგადასახადო და საბაჟო პოლიტიკის დეპარტამენტს ხელმძღვანელობდა.

ასევე იკავებდა შემოსავლების სამსახურის დავების დეპარტამენტისა და იურიდიული დეპარტამენტის უფროსის პოსტებს.