ლევან ხაბეიშვილი შალვა პაპუაშვილს პასუხობს
პატიმრობაში მყოფი ენმ -ის ლიდერი, ლევან ხაბეიშვილი ციხიდან წერილს აქვეყნებს და შალვა პაპუაშვილს პასუხობს.
მისი თქმით, არაერთი ადამიანია “რეჟიმის უკანონო პატიმრობაში განსხვავებული აზრის გამო“.
მთელი მსოფლიო იტყუება და მარტო ივანიშვილი, კობახიძე და პაპუაშვილია მართალი, - წერს ხაბეიშვილი.
უკანასკნელი ვარ მათ შორის, ვინც რეჟიმის უკანონო პატიმრობაშია მაგრამ... ყელმოღერებით კითხულობენ დღეს ივანიშვილის თოჯინები - ვინ ზის განსხვავებული აზრისთვისო?!
აი მე მაგალითად, სიტყვის გამო ვარ ციხეში! არანაირ მოქმედებას, ქმედებას ან მათ ნაბოდვარ ძალადობასაც კი არ მაბრალებენ! მაბრალებენ, რომ ვლაპარაკობ! ტელევიზიებში, რომ ვისაუბრე ივანიშვილის რეჟიმი უნდა დასრულდეს-მეთქი, აი ამის გამო ლამის 3 წელი (!) მომისაჯეს! არც ერთ, ხაზს ვუსვამ - არც ერთ მოქმედებას არ მედავებიან! მხოლოდ საუბარს!!!
ბრიტანელი ცდება, გერმანელმა ვერ გაიგო, საფრანგეთი ტყუის, პოლონეთი ცუდია, ამერიკა ტყუილშია - მთელი მსოფლიო იტყუება და მარტო ივანიშვილი, კობახიძე და პაპუაშვილია მართალი! დედამიწაზე მათი თანამოაზრე არ მოიძებნება!
სანაია ამკვიდრებს უხამსობასო - ამბობს ყაველაშვილის და სამხარაძის „პატრონი“... გორდულაძე და ქოც-დეპუტატები არ არიან მოძალადეები - გახარიას წევრს, რომ კოლექტიურად დაესხნენ თავს და ამაღლობელია დამნაშავე?!
500-მდე ადამიანი აწამეს და ვინ დასაჯეს?!
მკვლელობებში მათი პრემიერყოფილი ამხელს და ესენი ხმას როგორ იღებენ?!
რიჟვაძეს ვინ ესროლა?! ვინ კლავდა?! ვინ დასაჯეს?! თუ არ ესროლეს, მაშინ ვინ აშანტაჟებდა?!
რაიმე პასუხი არსებობს?!
ციხეებში სასაკლაოებს, რომ აწყობენ და „გარედან“ შეჰყავთ დასალეწად მათთან დალაგებული ხალხი, ამაზე ვინ იღებს პასუხისმგებლობას?!
ასეთი უტიფარი, უძარღვო არაფერი მინახავს!, - წერს ხაბეიშვილი.
შალვა პაპუაშვილი დღეს დაინტერესდა, ვის გულისხმობს ევროკომისია ანგარიშში, როდესაც "თვითნებურად დაკავებულებზე" საუბრობეს, რაზეც "პირველების" ჟურნალისტმა პაპუაშვილს ვახო სანაიას პატიმრობა გაუხსენა და უთხრა, რომ ჟურნალისტი ფბ-პოსტის გამო ჰყავთ დაპატიმრებული.
"ის [ვახო სანაია ციხეში] თავისი უხამსობის გამოა. მე საერთოდ არაფერ შუაში არ ვარ" - განაცხადა საპასუხოს შალვა პაპუაშვილმა.
მსგავსი სიახლეები
ზურაბიშვილის მიმართვა: ბოლო 30 წელია ქართველი ხალხი ქუჩაში გამოსვლებით, არჩევნებითა და გამოკითხვებით ვამბობთ, რომ გვინდა ევროპა, ევროპა და მხოლოდ ევროპა!
ამის შესახებ საქართველოს მეხუთე პრეზიდენტმა რუმინეთში ტიმიშოარას ფორუმზე - „ევროპული ღირებულებები“ სიტყვით გამოსვლისას ისაუბრა.
