„ოცნების“ შიგნით ერთმანეთს აღარ ენდობიან - ზურაბიშვილი
საქართველოს მეხუთე პრეზიდენტი “ოცნების“ შიგნით არსებულ უნდობლობაზე საუბრობს და ამბობს, რომ პარტიის შიგნით დიდი დარღვევებია.
მისი თქმით, ყველა ერთმანეთეს ეჭვის თვალით უყურებს და აკვირდება, ვინ წავა ხვალ ციხეში, ვის დააბრალებენ კორუფციას და ვის აიძულებენ, ქვეყნიდან გაიქცეს.
სალომე ზურაბიშვილის თქმით, მმართველმა გუნდმა ქვეყანა კრიმინალებით გაავსო და ახლა უკვე თავად “ოცნებაშაც“ ეშინიათ და სწორედ ამიტომ გაიყვანა ბიძინა ივანიშვილმა საკუთარი შვილი ჩინეთში.
“ოცნების“ შიგნით არის ძალიან დიდი დარღვევები, აღარ არის დარჩენილი არცერთი ნამცეცი ნდობის, ყველა ერთმანეთს უყურებს, რომელი წავა ციხეში, რომელსაც დააბრალებენ კორუფციას, ქვეყნის გაყიდვას, რომელს გააქცევენ ქვეყნიდან. კრიმინალების ბოგინია ქვეყანაში, ესენ არიან შემოყვანილი, “ოცნებამ“ რეალურად გახსნა პანდორას ყუთი და გამოუშვა ესენი. ახლა თვითონაც ეშინია, ამიტომ გაიყვანა ქვეყნიდან ივანიშვილმა თავისი შვილი და ჩინეთში გაგზავნა. აღარ იციან ვის და რას ენდონ, მე არ ვიცი, რა დამოკიდებულება აქვს ზუსტად ივანიშვილს რუსეთთან, გარდა იმის, რომ უსრულებს მათ ყველა თხოვნას და მოთხოვნას, მაგრამ რეალურად რამდენად ენდობა და ფიქრობს, რომ რამდენად რუსეთი ვინმეს მონახავს, რომ შეცვალოს, ივანიშვილი და ოცნება ხვალ, როცა დაჭირდება, სხვა ვინმე საქართველსო სათავესი, არავინ იცის. ანუ რას ენდობა და რა არის მისი საყრდენი, ივანიშვილმა თითონაც აღარ იცის. “ოცნება“ რომ აღარ წარმოადგენს პარტიას, რომელსაც აქვს ერთობლივი იდეოლოგია, ხედვა, წარმოდგენა, როგორ უნდა მართოს ეს ქვეყანა, ეს ქვეყანა ხომ მართული არ არის, არის მიშვებული, - განაცხადა ზურაბიშვილმა.
