ღარიბაშვილის ადვოკატებმა სავარაუდო მუქარის წერილთან დაკავშირებით გამოძიების დაწყების მოთხოვნით პროკურატურას მიმართეს

16.11.26 17:30
ღარიბაშვილის ადვოკატებმა სავარაუდო მუქარის წერილთან დაკავშირებით გამოძიების დაწყების მოთხოვნით პროკურატურას მიმართეს

ირაკლი ღარიბაშვილის ადვოკატები გამოძიების დაწყებას ითხოვენ. ამ მოთხოვნით ისინი ცოტა ხნის წინ პროკურატურაში მივიდნენ და განცხადება შეიტანეს. საქმე ეხება წერილს, რომელიც ექსპრემიერის მტკიცებით, მასთან ივანიშვილმა მდინარაძის სახელით შეაგზავნა და რომელიც არჩადენილი დანაშაულის აღიარების მოთხოვნას და მუქარას შეიცავდა. 

თავად ირაკლი ღარიბაშვილი აწერს ხელს და მე ვაწერ ხელს. მისი განცხადებაა ეს. გამოძიება დიდი ხანია უნდა დაწყებულიყო აქამდეც. იმის გამო, რომ ვხედავთ, რომ არ აპირებენ გამოძიების დაწყებას და დამტებითი სათქმელი რომ არ მივცეთ, გადავწყვიტეთ, რომ შევიტანოთ ეს განცხადება გამოძიების დაწყების თაობაზე, სადაც უკვე ძალიან მკაფიოდ არის დასაბუთებული თუ რატომ უნდა დაიწყოს გამოძიება, - ამბობს უფლებამდაცველი სოსო ბარათაშვილი. 

გამოძიების აუცილებლობაზე საუბრობს ღარიბაშვილის კიდევ ერთი ადვოკატი ნათია თამაზაშვილიც.  

გამოძიება უნდა დაიწყოს აუცილებლად იმის დადასტურებლად, რომ ეს ყოველივე ემსახურებოდა ერთ მიზანს, ასე ვთქვათ, ირაკლიდ დისკრედიტაციას და არარსებული ბრალის წაყენებას, რაც შემდგომ უკვე ვიხილეთ. დანაშაულია და ირაკლის მიმართ წამების ტოლფასი ქმედებაა ჩადენილი და ის წერილი ყველასთვის ხელმისაწვდომი იყო, თუ რა შინაარსის წერილი გამოუგზავნეს ირაკლის და ბუნებრივია, ყველას შეუძლია, შეაფასოს და თქვას, იყო თუ არა დანაშაულის ნიშნები. აუცილებელი იყო მყისიერი რეაგირება და გამოძიების დაწყება. გამოძიების დაწყების შემთხვევაში, ირაკლი მზად არის, სრულად მიაწოდოს საგამოძიებო ორგანოებს ინფორმაცია და ბუნებრივია, ამის ფარგლებშ ექნებათ სრული ინფორმაცია ვინ, რა და როგორ, - ამბობს კიდევ ერთი ადვოკატი ნათია თამაზაშვილი. 

შეგახსენებთ, რომ რუსთავის მე-12 დაწესებულებაში მისულ გამომძიებლებს ირაკლი ღარიბაშვილი არ შეხვდა.  ექსპრემიერის ადვოკატის განმარტებით, გასაუბრებას სისხლის სამართლის საპროცესო კოდექსი არ ითვალისწინებს. შესაბამისად, ბარათაშვილი აცხადებს, რომ იმ შემთხვევაში, თუკი, პროკურატურა ღარიბაშვილის განცხადებებზე გამოძიებას დაიწყებს, ის მზად არის მაგისტრატი მოსამართლის წინაშე ჩვენება მისცეს.

მსგავსი სიახლეები