სასამართლოში პუბლიცისტ მაია ორჯონიკიძის გამოკითხვა დასრულდა.  გამოძიებას კითხვები მისი "ფეისბუქ" მეგობრის სტატუსის შესახებ ჰქონდა.

გამომძიებლებს აინტერესებდათ, ეთანხმებოდა თუ არა ანტისახელმწიფოებრივი შინაარსის ფეისბუქსტატუსს და გაუზიარებია თუ არა ის საკუთარ გვერდზე.

მკითხეს, ეთანხმებით თუ არა ამ სტატუსს. წამიკითხეს სტატუსი და მკითხეს, გაგიზიარებიათ, თუ არა აღნიშნული სტატუსი. მართლა არ გამიზიარებია. გამიზიარებია კი არა, მსგავსი არც წამიკითხავს. სუსს ასეთი ინფორმაცია აქვს, რომ გავაზიარე და მერე წავშალე. 

9 წელიწადია, რაც მე ამ ხელისუფლებას ვეწინააღმდეგები, მაგრამ არავითარი ბომბების გაკეთება და დაცხრილვა ამათი არ დამიწერია. არც გამიზიარებია, არც დავწერდი და ასეთი რამ აზრადაც არ მომსვლია"- აცხადებს პუბლიცისტი მაია ორჯონიკიძე.

პუბლიცისტი სუს-მა უწყებაში დაიბარა, თუმცა მაია ორჯონიკიძემ ლილუაშვილის უწყებაში მისვლაზე უარი განაცხადა და მხოლოდ თბილისის საქალაქო სასამართლოში, მაგისტრანტი მოსამართლის წინაშე გამოკითხვას დათანხმდა.