საქართველოს სახალხო დამცველი სახელმწიფო ინსპექტორის სამსახურის გაუქმების კანონს საკონსტიტუციო სასამართლოში ასაჩივრებს. ომბუდსმენი ცვლილებების არაკონსტიტუციურად ცნობას მოითხოვს.

საქართველოს სახალხო დამცველი მიიჩნევს რომ სადავო ნორმატიული აქტები ეწინააღმდეგება საქართველოს კონსტიტუციის 25-ე მუხლს, რომელიც კრძალავს საჯარო მოხელეთა თანამდებობიდან დაუსაბუთებელ გათავისუფლებას, კონსტიტუციის მე-9 მუხლს, რომელიც არასათანადო მოპყრობის ფაქტების ეფექტურ გამოძიებას მოითხოვს და მე-15 მუხლს, რომელიც პირადი ცხოვრების კონსტიტუციურ გარანტიას ადგენს. საქართველოს სახალხო დამცველის მიერ გასაჩივრებულია ყველა ის ნორმატიული აქტი, რომელიც აუქმებს სამსახურს, ათავისუფლებს სახელმწიფო ინსპექტორს (მის მოადგილეებს) და რომლებიც ინსპექტორის სამსახურის ეფექტურ ფუნქციონირებას ხელყოფენ",-ნათქვამია ომბუდსმენის განცხადებაში.

საკონსტიტუციო სასამართლოს ს ინსპექტორის სამსახურის ხელმძღვანელმა, ლონდა თოლორაიამაც მიმართა.

სახელმწიფო ინსპექტორის სამსახურის გაუქმების შესახებ კანონი პარლამენტმა დაჩქარებული წესით, 30 დეკემბერს დაამტკიცა.