ეროვნულ-დემოკრატიული ინსტიტუტის ახალი კვლევის თანახმად, საქართველოს მოსახლეობა კვლავ აქტიურად უჭერს მხარს ევროკავშირსა და NATO-ში გაწევრებას.

NDI-ის შეკითხვაზე - მისაღებია თუ არა საქართველოს მთავრობის მიზანი, საქართველო გახდეს ევროკავშირის წევრი?

გამოკითხულთა  83% პასუხობს, რომ მისაღებია; ხოლოდ 8%-ისთვის მიუღებელია,  8%-მა კი პასუხად „არ ვიცი“ დააფიქსირა.

ამავე კვლევით, მოქალაქეები თანხმდებიან, რომ ევროკავშირში გაწევრიანება მნიშვნელოვანია პოლიტიკური შეხედულებების მიუხედავად.

მოსახლეობა აქტიურად უჭერს მხარს NATO-ს წევრობასაც.

ნატოში გაწევრიანება 77%-სთვის მისაღებია, 11%-სთვის მიუღებელი, 12% კი ამბობს, რომ არ იცის.

კვლევა NDI-ის დაკვეთით CRRC საქართველოს მიერ,  2021 წლის 7-13 დეკემბერს ჩატარდა. სატელეფონო გამოკითხვის მეთოდით ჩატარდა 2 099 დასრულებული ინტერვიუ. საშუალო ცდომილების ზღვარი არის +/- 1,3%.

რესპონდენტები მარტივი შემთხვევითი შერჩევის გზით - შემთხვევით ნომერზე დარეკვის მეთოდით შეირჩნენ. ინტერვიუები ჩატარდა ქართულ, აზერბაიჯანულ, სომხურ და რუსულ ენებზე. კვლევა საქართველოს მთლიანი მოსახლეობის წარმომადგენლობითია (ოკუპირებული ტერიტორიების გამოკლებით).