გიორგი ვაშაძე ღარიბაშვილსა და კობახიძეს მიმართავს. სტრატეგია აღმაშენებლის" ლიდერი უშიშროების საბჭოს გაფართოებულ სხდომას ითხოვს, სადაც მონაწილეობას ოპოზიციამაც უნდა მიიღოს. 

გიორგი ვაშაძე ითხოვს, რომ უშიშროების საბჭომ 3 მიმართულებით იმუშავოს:

მივმართავ ბატონ ღარიბაშვილს და კობახიძეს, გამოვდივართ ინიციატივით, შეიქმნას ეროვნული უშიშროების საბჭოს გაფართოებული ფორმატი, სადაც შეყვანილი იქნება ოპოზიციური ჯგუფებიც, ამ შემთხვევაში, საპარლამენტო ოპოზიცია, და ვიმუშავებთ 3 მიმართულებით. 

პირველი- მშვიდობის უზრუნველყოფა ქვეყანაში. 

მეორე-ევროკავშირში დაჩქარებული გაწევრიანება. 

მესამე- საქართველოს ენერგეტიკული და ეკონომიკური უსაფრთხოება. - განაცხადა გიორგი ვაშაძემ.