რუსეთის მიერ უკარინაზე თავდასხმის შემდეგ უფრო ნათელი გახდა, რომ საქართველოს ალიანსის მხარდაჭერა სჭირდება - ამის შესახებ NATO-ს გენერალურმა მდივნმა, იენს სტოლტენბერგმა  ნატოს წევრი ქვეყნების სამიტის დაწყებამდე განაცხადა. 

მოლოდინი მაქვს, რომ NATO-ს ლიდერები დღევანდელ შეხვედრაზე გამოხატავენ საკუთარ მხარდაჭერას იმ პარტნიორების მიმართ, რომლებიც რუსეთის ზეწოლის ქვეშ არიან. მათ შორის არის საქართველო. საქართველოს უფლება აქვს საკუთარი გზა თავად აირჩიოს.

NATO-ს მოკავშირეები უკვე წლებია მხარს უჭერენ საქართველოს რეფორმების იმპლემენტაციაში, უსაფრთხოებისა და თავდაცვის ინსტიტუტების მოდერნიზაციაში. უკრაინაზე ბრუტალური თავდასხმა ხაზს უსვამს იმას, რომ საქართველო მხარდაჭერით უზრუნველყოფილი იყოს”,-განაცხადა სტოლტენბერგმა.

ბრიუსელში დღეს ნატო-ს, ევროკავშირისა და „დიდი შვიდეულის“ სამიტები გაიმართება.