ბიძინა ივანიშვილმა შვეიცარულ ბანკს დავა მოუგო. ახლა ოლიგარქს 500 მილიონი დოლარი უნდა გადაუხადონ.  მილიარდერი ივანიშვილი „კრედიტ სუისს“ 6 წელი ედავებოდა და ანგარიშიდან თანხის გაფლანგვასა და თაღლითობაში ადანაშაულებდა.

ივანიშვილის ბანკირი პატრიკ ლესკა-დრონი იყო, რომელმაც, საქმის მასალების თანახმად, ივანიშვილის კუთვნილი თანხა საფონდო ბირჟაზე ერთ-ერთ კომპანიაში დააბანდა და დაკარგა. მას  თაღლითობის გამო 2018 წელს ბრალი დაუდასტურდა. თუმცა „კრედიტ სუისი“ აცხადებდა, რომ ლესკა-დრონი დამოუკიდებლად, ბანკისგან მალულად მოქმედებდა.

ივანიშვილი ერთ-ერთია იმ ხუთ ადამიანს შორის, რომლებიც დღემდე აგრძელებენ ,,კრედიტ სიუსის" წინააღმდეგ დავას და აცხადებენ, რომ ბანკის ვალდებულება იყო, ლესკადრონის ქმედებები არ დაეშვა მას შემდეგ, რაც დანაშაული გამოაშკარავდა.