თუ რუსული ჯარები უკრაინის მსგავსად საქართველოშიც შემოვლენ, მოსახლეობის 42.7% მზად არის, ქვეყანაში დარჩეს და იარაღით ხელში იბრძოლოს - კვლევის შედეგებს IPM ავრცელებს. 

გამოკითხულთა  24.2% ქვეყანაში დარჩება და შეეცდება, უსაფრთხოდ იყოს. 16.7% ამბობს, რომ  მოხალისეობრივ აქტივობებში ჩაერთვება (11.2% სამოქალაქო, ხოლო 5.5% სამედიცინო ან ფსიქო-სოციალურ მოხალისეობრივ აქტივობაში).

მოსახლეობის 11.2% აცხადებს, რომ ყველაფერს გააკეთებს, რაც ქვეყნისთვის იქნება საჭირო. 3% - მიტინგებს შეუერთდება. გამოკითხულთა მხოლოდ 1.7% აფიქსირებს პასუხს, რომ ქვეყნიდან წავა.

გამოკითხული მოქალაქეების  57% აცხადებს, რომ შესაძლებლობის შემთხვევაში, დახმარების შესათავაზებლად გაემგზავრებოდა უკრაინის რომელიმე ქალაქში ან ოლქში.

კითხვაზე, რა ტიპის დახმარებისთვის წავიდოდა უკრაინაში, გამოკითხულთა 47.9% პასუხობს, რომ ყველანაირად შეეცდებოდა დახმარებას, რითიც შეძლებდა. 

 91% აცხადებს, რომ უკრაინაში ყოფნის შემთხვევაში ჩაერთვებოდა რაიმე სახის თავდაცვით, საბრძოლო თუ სოციალურ საქმიანობაში, 

კვლევა 15-20 მარტის პერიოდში, თბილისსა და რეგიონებში სატელეფონო ინტერვიუს მეთოდით (CATI) ჩატარდა. გამოკითხეს 18 წელს ზემოთ ასაკის 1 026 ადამიანი. ცდომილების ზღვარი არის 3.1%.