ცხინვალის რეჟიმი რუსეთის ფედერაციაში შესვლის თაობაზე განცხადებას ავრცელებს. ამის შესახებ რუსული საინფორმაციო სააგენტო Сота-ს საშუალებით გახდა ცნობილი.

სააგენტოს ინფორმაციით, დე-ფაქტო რესპუბლიკის ლიდერი, ანატოლი ბიბილოვი, პირდაპირ აცხადებს, რომ გადადგამს იურიდიულ ნაბიჯებს ცხინვალის რუსეთთან მიერთებისთვის.

სააგენტო Сота-ს აღნიშნული ინფორმაცია რუსეთის მმართველმა პარტიამ, ,,ედინაია რასიამ", მიაწოდა. 

ბიბილოვის ამ განცხადებას წინ უძღოდა ცხინვალიდან უკრაინის მიმართულ;ებით შეიარაღებული ძალებისა და ტექნიკის გადასროლა. უკრაინის გენშტაბის ინფორმაციით, საქართველოს ოკუპირებული ტერიტორიებიდან კიევის მიმართულებით 2000-მდე სამხედროა გადასროლილი.

ექსპერტების განმარტებით, ოკუპირებული ტერიტორიების რუსეთთან მიერთების შესახებ აქამდეც იყო საუბარი, მხოლოდ ვერსიის დონეზე, ახლა კი უკრაინასთან ომის ფონზე განცხადება, რომელსაც რუსული მედია ავრცელებს, აშკარად საშიში ნაბიჯია.