აქტივისტების ინფორმაციით, შინაგან საქმეთა სამინისტროს თანამშრომელი, რომელიც აფხაზეთის უმაღლეს საბჭოსთან შეკრებილ აქტივისტებს ფიზიკურად გაუსწორდა, შოთა ჭიპაშვილია. 

მათივე ინფორმაციით, ჭიპაშვილივე მართავს "ქართული ოცნების" არაოფიციალურ გვერდს - "ლიდერი 41". 

სამოქალაქო აქტივისტები რამდენიმე წუთის განმავლობაში სთხოვდნენ ფიზიკურ ანგარიშსწორებაზე რეაგირება მოეხდინათ თუმცა უშედეგოდ. 

"ტვ პირველის" კორესპოდენტის ცნობით, აფხაზეთის მთავრობასთან მიმდინარე აქციაზე 6 აქტივისტი დააკავეს. 

აქტივისტები ოკუპირებულ ტერიტორიაზე მცხოვრები საქართველოს მოქალაქეებისთვის ხუთ დღიანი კარანტინის გაუქმებას ითხოვდნენ.