ოკუპანტზე უარესს და მის ხელშემწყობს უწოდებს მამუკა მდინარაძე იმ კამპანიის ორგანიზატორებს, რომელბიც, მისი თქმით, რუსი ტურისტების წინააღმდეგ კამპანიის „ამოქოქვით“ არიან დაკავებულები.

ამის შესახებ „ქართული ოცნების“ ლიდერი ფეისბუკზე წერს და ამბობს, რომ ეს ხალხი (კამპანიის ორგანიზატორები) რუსების თემის გავლით არევას ცდილობს.

რადგან სხვანაირად არ გამოგვივიდა, მოდი რუსი ტურისტების წინააღმდეგ კამპანია ისევ ამოვქოქოთ. ამით ხელისუფლებას თან რუსების დაცვა მოუწევთ და პიარულად მაგაზე მაგრად დავარტყამთ, თან იქნებ კარგად გაღვივდეს და ამ გზით მაინც ავრიოთ" - ვინც ამას ასე ალაგებს და შესაბამის კამპანიას გეგმავს, ოკუპანტზე უარესი და მისი ხელშემწყობია!..
ხვალ 7 აგვისტოა. ამ კამპანიის ავტორებმა თავის დროზე ქართველი სამხედროები 2008 წლის 7 აგვისტოს საბრძოლო მოქმედებების გაუფრთხილებლად დაწყებაში, ცხინვალის კასეტური ბომბებით დაბომბვაში და ამით მშვიდობიანი მოსახლეობისათვის საფრთხის შექმნაში დაადანაშაულეს.
დღეს ეს ხალხი ცდილობს რუსების თემის გავლით არევას!..
დასკვნების გამოტანა რთული არ არის!“ - წერს მამუკა მდინარაძე.